Nikaraguari buruzko dokumental emanaldia eta hitzaldia izango dira bihar, asteartea, Biterin, arratsaldeko 19:30etatik aurrera. Dokumentala iraultza Sandinistari buruzkoa izango da. Ondorenean, hitzaldia emango du Nikaraguako Ocotaleko Alkate den Marciano Berriosek. Berriosek Nikaraguako egoera politikoari buruzko bere ikuspuntua emango du, aurrerako erronkak azaltzearekin batean. Jardunaldi hauek Hernaniko Kooperazio taldeak eta Hernaniko Udalak antolatu dituzte, HONEK GKEarekin elkarlanean.
Sentsiblizazio kanpaina
Udalak garapen bidean dauden herrialdeetan gauzatzeko proiektuetarako diru laguntzak ematen dizkie GKEei (ONG), Kooperazio Taldearen gomendioarekin. GKE hauek herrian sentsiblizazio eta informazio jardunaldiak antolatzeko konpromezua hartu dute, biharkoa kasu. Bide horretan, udaleko Gobernu Batzarrak lehengo ostegunean onartu berri ditu garapen bidean dauden herrietan gauzatzeko lagunduko dituen proiektuak: bederatzi proiektu lagunduko ditu diruz, 166.972,18 euroko laguntzarekin. Horrez gain, 17.688,51 euro emango dizkie erakunde hauei herrian sentsiblizazio kanpainak gauzatzeko.