errugbi liga urriaren 15ean hasiko dute Hernaniko talde guztiek, eta zein forma puntutan dauden jakiteko 6 partidu jokatuko dira gaur Landaren. Ohorezko B mailako taldeak Getxo izango du aurrean, maila bat gorago ari den taldea. Hernaniarrak bi partidu jokatu dituzte pretenporadan eta bi aurpegi erakutsi dituzte. Ohorezko A mailan jokatzen duen Salvadorren kontra oso itxura ona eman zuten, baina Irunen kontra oso bestelakoa. Gaur, indarrak bene-benetan nola dauden ikusiko dute, 16:00etan Landaren.
Beste bost partidu
Hernani B taldeak La Unica taldearen kontra jokatuko du. La Unica ere Hernani B baino maila bat gorago ari da eta ez du lan makala izango gaurkoa. Bigarren ekipoa izanik, arduradunen helburua taldea ´kontsolidatzea` da. 17:30etan. Nagusietan Getxo B-k eta Fenixek elkarren kontra jokatuko dute, 16:00etan; eta kadeteek triangularra prestatu dute, Hernani, La Unida eta Fenix taldeen artean. 17:30etan hasiko dute torneo txiki hori, eta hiru taldeek elkarren kontra jokatuko dituzte, bina partidu.