ASTEAZKEN eguerdian izan zen Hernaniko eta Astigarragako hainbat sagardozalek osatzen duten Kizkia taldearen sagardo lehiaketako finala. Urtero antolatzen dute lehiaketa hau eta aurten Petritegiko sagardoa aukeratu dute onena.
Finalean 6 sagardo
Hiru kanporaketa jokatu dira eta guztira 20 sagardo ezberdin izan dira aurtengoan. Kanporaketaz kanporaketa, finalerako 6 sagardo aukeratu zituzten eta honakoak izan dira onenak aurten: 1. Petritegi 153; 2. Lizeaga 145,5; 3. Rezola 144,5; 4. Barkazitegi 143,5; 5. Otsua-Enea 138,5 eta 6. Baleio 133,5.
Gorrotxategiko postre berezia
Kizkiakoek eskerrak eman nahi dizkiote Gorrotxategi gozogile tolosarrari, finalerako ekarritako postre bereziagatik: sagarrarekin egindako bonboiak.