Urumea Bailara Bizirik plataformak joan den larunbatean Errausketarik ez! lemapean egindako manifestazioaren balorazioa egin du. Bertan, ´oso balorazioa positiboa` egin dute, ´1.000 lagunetik gora` bildu zirela gogoratuz. Beren ustetan, manifestazioak erakutsi zuen ´gero eta jende gehiago ari dela kontzientziatzen erraustegiak dituen kalteetaz`.
Herri ezberdinetako jendea
Manifestazioan herri ezberdinetako jendea bildu zela aipatu du plataformak, eta horri `bildutako kopurua bezain garrantzitsua` irizten diote. ´Honek erakusten du kokalekuaren eztabaida antzua dela eta plataformek lanean jarraituko dutela, kokalekua bat edo bestea izan. Alternatibak badaude eta prest gaude denak aztertu eta egokienak martxan jartzen laguntzeko`.
Atxikimenduak
Plataformak nabarmendu nahi izan du manifestazioak izandako atxikimendu zerrenda zabala. Idatziz 12 talde edo alderdi atxikitu ziren eta beste askok beren presentziarekin eman zioten babesa mobilizazioari. Bukatzeko, zera diote: ´ikusitakoak indarra ematen digu lanean jarraitzeko`. Hau dela eta, jendeari dei egiten diete mobilizatzen jarraitzeko, Gipuzkoako zaborren kudeaketaren auziari, denon artean bilatu behar diogulako soluziorik egokiena.