Erraustegiaren aurkako Plataformen Koordinadorak eta zenbait komunikabidek atzo emandako berrien arabera, Diputazioak erraustegia egiteko lekua aldatu egin du berriz ere, Landarbasotik Zubietara. Lehen ere Zubietan egitea proposatu zuen Diputazioak, baina oraingo kokalekua beste bat litzateke, beti ere atzo emandako informazioaren arabera. Filtratutako informazioa da iturria Koordinadoraren hitzetan, eta esan dute orain Diputazioa presaka ari dela errustegiaren kokalekua behin betirako zehaztu nahian ´datozen udal hauteskundeek bete-betean harrapa ez ditzaten`. Diputazioak atzo oraindik ez zuen informazio honi buruzko xehetasunik eman.