TXANTXANGORRI elkarteak antolatuta, Txantxangorri Sari Nagusia plater tiro txapelketa jokatuko da bihar. Txapelketa ehiza ibilbide modalitatean izango da eta 25 plater bota beharko dira. Txapelketa Arkaleko tiralekuan izango da, goizeko 10:00etatik aurrera. Izena emateko aukera goizeko 11:00ak arte izango da. Elkarteak jakinarazi du kategoria bakarra izango dela. Txapelketa bukatzean Santa Barbarako tiralekura joango dira, sariak banatu eta mokadu bat egitera.