JOAN den asteko Plenoan Portun aisialdi eta jolaserako gune bat sortzeari buruz hitz egin zuten. Asmoa da Portun, arkupean dituzten etxeak eta trenbidearen artean dagoen terrenoan, jolaserako gune bat sortzea. Horretarako saskibaloi kanasta, pin pon mahaia, aulkiak eta iturri bat jarriko dituzte.
Plenoan, zehazki, hitz egin zuten parkea egiteko lurrak lortzeko Renferekin egin beharreko akordioaz.
Renferekin egindako
hitzarmena
Andoni Amonarraiz, zerbitzuetako zinegotziak, azaldutakoaren arabera Renferekin egindako akordio bati esker egingo dute eremu hau. Akordio horren bidez Renfek, alokairu baxu baten truke, terrenoa utziko dio Udalari parkea egin dezan.
Lehenago ere egin ditu Udalak Renferekin antzeko akordioak. Karabeleko aparkamendu berriak ere antzeko hitzarmen baten bidez egiten ari dira.