18/98 auzian orain zazpi hilabete hasi ziren epaiketak eta oraindik ere astero-astero Madrilera joaten dira auzipetuak deklaratzera. Gaur harrera egingo zaie Hernanin Teresa Toda, Elena Beloki eta Olatz Altunari, auzipetuetako hiruri, Madrildik bueltan. Harrera ekitaldia, arratsaldeko 20:00etan izango da Zinkoenean.
Bertan behera uzteko eskaera
Askatasuna erakundeak 18/98 auzia bertan behera uzteko eskaera egin du eta gaurko harrera ekitaldian ere eskaera hori egingo du. Horrez gain, Askatasunak eta 18/98 plataformak salatu nahi dute auzipetuak jasaten ari diren egoera, astero-astero Madrilera joan behar izaten baitute astelehenetik asteazkenera. Horrek kostu pertsonal eta ekonomiko haundiak dakartzala salatuko dute gaurko harrera ekitaldian. Antolatzaileek dei egin diete herritarrei gaurko ekitaldira azaltzeko.