HERNANI Musika Eskolan hasi nahi duten ikasleentzat aurrematrikula egiteko epea irekita dago uztailaren 4ra arte. Izena emateko Udaletxeko bigarren solairura joan behar da (eskubitara), goizeko 09:00etatik 13:00etara.
Aukera zabala
Hernani Musika Eskolan instrumentu ugari ikasi daitezke: akordeoia, alboka, biolina, biolontxeloa, dul-tzaina, klarinetea, gitarra, perkusioa, pianoa, saxoa, trikitixa, tronpeta, txalaparta eta txistua. Lau eta zazpi urte artekoek ere badute aukera izena emateko eta musika tresnekin talerrak egin eta ipuiak, jokoak eta dantzak ikasiko dituzte. Taldeak ere sortzen dituzte eskolan, orkestrak, bandak, abesbatzak, ganbera taldeak eta joera ezberdinetako taldeak (rock, pop, folk...).
Aurrematrikula egin dutenen artean zozketa egingo da eta onartutako ikasleen zerrenda uztailaren 10ean egingo dute publiko, eguerdiko 12:00etan, musika eskolan bertan. Onartutako ikasleek behin betiko matrikula irailaren 4tik 8ra egin beharko dute.