Jai Batzordeak San Joanetako hainbat ekintzetan parte hartzeko deia egin nahi izan die herritarrei. Ekainaren 23an goizeko 11:45etan, Beti Egarriak txarangari omenaldia egingo zaio urteetan egindako ibilbidearengatik. Segidan, Beti Egarriak txarangakoek jaiei hasiera emango diete, ikurrina igota eta suziria botata. Ekainaren 25ean, eguerdiko 12:45etan, Gerardo Plaza eta Imanol Larretxeari omenaldia egingo diete Gudarien plazan, Jai Batzordeko partaide izategatik eta jai herrikoiak urteetan bultzatzeagatik. Ekainaren 27an, gaueko 11:45etan, Beti Egarriak txarangarekin bukatuko da jaia. Ekintza guzti hauetan parte hartzeko deia egin du Jai Batzordeak.