Gaurko emanaldiarekin hasiko da Chillida Lekun udako denboraldia. Hurrengo emanaldi bereziak, berriz, uztailean izango dira. Musikari gazteek hari eta haizezko instrumentuak joko dituzte igandeetan, eta museoa ikustera joaten direnek gozatzeko aukera izango dute. Bestalde, Jazzaldiaren barruko kontzertua ere izango da uztailean eta abuztuan musika hamabostaldiaren barruko bost kontzertu izango dira. Atzo prentsaurrean azaldutakoaren arabera, kanpoko jendeaz gain, inguruko jendea inguratzea ere nahi dute museoan eta horretarako emanaldi bereziak antolatzen dituzte, orain artean arrakasta haundiarekin.
Udako egitaraua
- Uztailak 2, 9, 16, 23 eta 30: Hari eta haizezko instrumentuekin musika folka eta barrokoa. Uztailak 25: Jazzaldia. Oregon taldearen emanaldia, 12:30etan.
- Abuztuak 6, 13, 20 eta 27: Musika hamabostaldiko kontzertuak. Kup ahots taldea; Almudena Ortega eta Josu Oikiñena, Catalin Bucaratu; Aristizabal-Barandiaran bikotea.
- Abuztuak 8, 9,10: Eduardo Chillida eta ingurumena gaiaren bueltan tailerrak.