PRENTSA ohar batetan Iñaki Arratibel, Hirigintza Zinegotziak jakinarazi du, Arau Subsidiarioen proposamen berrituak 87 alegazio jaso dituela: ´horietatik zati haundi bat erakusketan jarritako materialari egindakoak dira eta beste batzuk bere garaian bertan behera utzi ziren argumentuak erabiltzen dituzte`, dio.
Prozesua amaituta
Zinegotziaren hitzetan ´amaitutzat ematen da ehunka hernaniar eta talderen parte hartzea izan duen prozesua` eta gaineratu du ´jasotako ia 400 alegazioei esker testua aberastu egin da`. Arratibelen esanetan, azken hobekuntzak egin eta plenoan onartu ezkero, Arauak Diputaziora eramango dira: ´2007 hasieran behin betiko onarpena edukitzea espero dut`.