Xabat Otxotorena podiumetik segundo batera geratu da Extremadurako Itzulian

ORBEA taldeko Xabat Otxotorena txirrindulari hernaniarrak egundoko Itzulia egin du Extremaduran. Laugarren geratu da sailkapen nagusian, bere aurreko txirrindulariak segundo bakar batera geratu direla. Atzo bukatu zen sei etapako Itzulia eta Otxotorenak etapa guztietan oso aurrean helmugaratzea lortu du. Ostiraleko etapan hirugarren Orbearen helburua zen aurreko postuetan izatea eta horretarako puntako zazpi txirrindulari eraman ditu Extremadurara, horien artean Xabat Otxotorena. Hernaniarra lehenengo etapatik nabarmendu da: zazpigarren egin zuen lehenengo etapan eta Caceresen bosgarren amaitu zuen. Hirugarren etapan, ostiralean, profesional mailan orain arte lortutako emaitzarik onena eskuratu zuen, hirugarren postua, eta beraz, etapako podiuma. Horretaz gain, sailkapen nagusian bigarren postuan jarri zen. Hala ere, Otxotorenak ezin izan du Itzulia erabat borobildu, laugarren etapan eta bosgarrengoan (erlojuz kontrakoa) segundo batzuk galduta. Laugarren postua sailkapen nagusian Atzo bukatu zen Extremadurako itzulia eta Orbeakoak bosgarren sartzea lortu zuen. Erregulartasun haundia erakutsi du Otxotorenak eta horrek saritu egin du azkenerako, sailkapen nagusian merezitako laugarren postua lortuz. yy