1936an Hernanin fusilaturiko pertsonen omenezko eskultura lehiaketa Carlos Lopez de Ceballos-ek irabazi du eta gaur bere lanaren aurkezpena egingo da prentsaurrean, Udaletxeko pleno aretoan. Ceballos-ek Argi-horma izeneko eskulturarem proiektua egin du eta bertan fusilatuen irudia edo silueta azaltzen da. Bi metro zabal eta hamar metro luze izango ditu burnizko eskulturak.
Azkarraga eta Marin
Gaurko ekitaldian Azkarraga Justizia sailburuak eta Mari Carmen Marin Giza Eskubideetarako diputatuak parte hartuko dute, Joxan Rekondo Alkatea eta Ceballos eskultorearekin batera. Bertan, 36ko fusilatuen omenezko ekitaldien inguruan adostu duten hitzarmena azalduko dute. Udazken aldera, hilerri aurrean Ceballos-en eskultura jartzea espero dute eta liburu bat ere kaleratuko dute, besteak beste. Aurkezpen ekitaldia goizeko 11:00etan hasiko da.