energia Bizi erakusketak aste bete egin du Hernanin, eta gaur du azken eguna. Energiaren ikuspegi historiko eta praktikoa eman nahi izan diote erakusketari eta historiaurrean sua egiten hasi ginenetik industri iraultzarainoko informazioa ikusi liteke 180 m2ko karpan. Antziolako Bidebieta plazan egongo da goiz eta arratsalde: 10:00- 14:00etara; 16:00- 19:00etara.
Energia eta kontsumoa
Energia nola sortzen den eta nola eta non kontsumitzen dugun azaltzen du erakusketak eta zein beste alternatiba dauden ere bai. Gaur eguneko energia politikak zer helburu dituen eta aurrera begira zein energia mota izango ditugun. Etorkizuneko gizartean energia alternatiboak izango duen lekua...
Erakusketa jendetsua
Energia Bizi erakusketa Energiaren Euskal Erakundeak eta Eusko Jaurlaritzak jarri dute martxan, eta Gipuzkoako herri askotan pasa da dagoeneko. Antolatzaileen esanetan 6 hilabetetan 37.000 bisitari izan ditu erakusketak.