Hernaniarrek bigarren postua lortu dute Gipuzkoako batelen ligan

HERNANIKO arraunlariek zita garrantzitsua izan dute asteburuan Pasai San Pedron, Gipuzkoako batelen liga eta Gipuzkoako txapelketa baitzuten jokoan. Gipuzkoako batelen ligari dagokionean hernaniarrak bigarren geratu ziren, Koxtaperen atzetik. Hirugarren postua Trintxerpek eraman zuen. Bi segunduren aldea atera zion Hernanik Koxtaperi eta irabazi zezakeela jakinda, ligako txapela lortzeko penarekin gelditu ziren arraunlariak. Igandean izan zen Gipuzkoako Txapelketan Hernanik bosgarren postua lortu zuen, oraingo honetan Koxtape atzean utzita. Gipuzkoako txapela Zumaiako Aita Marik eraman zuen. Orain Euskadiko Txapelketa eta trainerillen liga dute aurretik.