HERNANIKO batelen taldeak estropada paregabea egin zuen atzo Donibanen. Bigarren postuan geratu zen, Zumaiaren atzetik, baina Koxtaperen aurretik, eta orain azken talde hau puntu bakarrera du sailkapen nagusian. Beraz, ligaxka Pasai San Pedron erabakiko da, datorren larunbatean, bertan izango baita azkeneko estropada. Hernani Koxtaperen aurretik sartu ezkero berdindu egingo luke sanjuandar taldea, eta Koxtape postu batzuk atzerago sartuko balitz hernaniarrek ligaxka irabazkiko lukete. Izan ere, puntuazio sailkapenaren araberakoa da (6 pto. lehenengoari, 5 bigarrenari...). Beraz aukera aparta du Hernanik denboraldia ondo hasteko.
´Estropada oso ona`
Xabier Zapiain, taldeko arduradunak Kronikari esan dionez estropada oso ona egin dute eta Hernani eta Koxtaperen arteko lehiak azken txanpa arte iraun du, Hernanik aurre hartu du orduan. Datorren asteko estropadan Gipuzkoako batel txapelketa jokatzen da baita ere.
Denborak
1- Zumaia.............9’03’’34 min.
2- Hernani.......9’11’’56 min.
3- Koxtape............9’14’’69 min.
4- Ibaika...............9’26’’22 min.
5- Ur-kirolak..........9’48’’12 min.
Deskalif.: Fortuna eta Trintxerpe