Elkartzen taldea eskubide sozialen aldeko astea ari da egiten eta gaur ‘Etxebizitza Eskubideari bai!’ lemapean antolatu dituzte mobilizazioak. Arratsaldeko 19:30etan egin dute zita Karkaban ´espekulatzaileen aurrean mobilizatzera` joateko. Atzo bestalde, lan prekarietatearen aurkako kontzentrazioa izan zen Dia supermekatuaren aurrean, bertako lan baldintzak direla-eta erabaki zuten mobilizazioa bertan egitea, LAB sindikatuko kideen hitzetan. Hitzaldia ere izan zen, LABeko kide baten eskutik eta prekarietatearen alderdi ezberdinak azaldu zituen.