ORDU gutxi batzuk falta dira Sagarrondotik’06 hasteko eta atzo Landare pareko karpa erraldoia montatzen etengabe ari ziren lanean. Zortzi talde izango dira Hernanin asteburuan, zein baino zein ezagunagoak, horien artean: Chambao, Celtas Cortos, Loquilllo y Trogloditas, Sorkun eta abar.
18:00etatik aurrera takila irekita
Espero da bihar hasi eta asteburu osoan milaka lagun Hernanira etortzea. Txartelak erosteko takila 18:00etan irekiko dute eta karpa zabalik izango da 20:00etarako. Arduradunek azaldu dutenez, aurreko urtean bezalaxe Landareko bide zatia itxi egingo dute kontzertu orduetan. Horretaz gain autoak poligonoetara bideratuko dituzte eta seinaleak jarriko dituzte herriko sarreretan kontzertu gunera errazago iritsi ahal izateko.