OROIPENAK: Gasteizko gertaera larrien 30garren urteurrena betetzen da.
Polizia San Frantzisko elizara eta inguruetara sartu zen, bertan elkartuta
zegoen jendea tiroka josiz, horren ondorioz bost langile erailak izan ziren eta
hainbat pertsona zauritu. Hil berria zen 40 urte ilunetako diktadura
frankistaren goi-mailako arduraduna. Milaka langile greban zeuden bere lan-hitzarmenen
alde eta elkartasunezko borroka ikasle mugimenduetara zabal-tzen ari zen,
ordezkarien bidez koordinatuz.
Manuel Fraga Barne Ministroa zen, langileen eskaerak eta protestak isilarazteko
konponbide bat zuen (ez bakarra): indarkeria eta armen arrazoia. Gasteizko
txikizioak beste ondorio batzuk izan zituen: Elkartasuna Euskal Herri osoan
zabaldu zen, pertsona anitz detenituak izan ziren (batzuk hernaniarrak), bere
helburua Greba geldiaraztea eta parte hartzen genuen langileen mugimendu
asanblearioa txikitzea.
GAURKOTASUNA: Egun txikizio hartako biktimak ez dira onartzen, biktimen gaia
oraindik konpondu gabeko ikasgaia dugu, justizia eta autokritika handiz gauzatu
beharko duguna, zauriak gaizki itxi ez daitezen.
Gertaera haiek eman zirenetik denborak luze jo du. Egoera politiko, sindikal,
sozial eta kulturalak aldaketa handiak izan ditu. Kasu batzuetan, aurrerapen
nabariak izan dira eta, beste batzuetan, ez hainbeste.
Edozein kasutan, oroitzeaz eta langile biktima haiek familiei gure benetako
elkartasuna adierazteaz gain, aipatu nahi ditugu erronka berriak anitzak direla:
herritarren eskubide berdintasunaren bidean, ezberdintasun sozial sakonaren
aurka, kalitate demokratiko eta askatasun handiagoa izango duen jendarte baten
alde, azken finean, mundu bidezkoago, solidarioago eta gizatiarrago bat. Egiteko
asko dago. Agian 30 urte pasatu eta gero, erronka hauek gure gain hartzea izan
daiteke omenaldirik ederrena.
Horten Baños eta ‘Niko’ Elizondo, Hernaniko
Zutik-en izenean