URUMEA ikastolako guraso elkarteak antolatuta Gizarte trebetasun tailerra izango da datozen asteetan Elkano kaleko eraikinean, musika gelan. Tailerra Lehen Hezkuntzako gurasoei zuzendua da eta bertan hainbat gai landuko dituzte: komunikazioa modu egokian bizi, gatazkak konpontzeko trebetasuna hartu, sentimenduak nola adierazi, ´ez` esaten ikasi, komunikazio familiarra nola sustatu eta abar.
Ostiralero martxo osoan
Tailerra irekia da eta ez da izenik eman behar, azaltzearekin nahikoa da. Ostiralero izango dira saioak, martxo guztian zehar eta bihar izango da lehenengo tailerra. Ordutegia: eguerdiko 14:30etan hasi eta 16:30ak arte. Tailerra antolatzeko Ongintza Patronatuaren diru laguntza jaso du Urumea ikastolak.