UDALAK jakinarazi du, ibilgailuentzako udal-garabi zerbitzua martxan dagoela dagoeneko eta hasiak direla ibilgailuak erretiratzen. Antxon Costa, Udaltzaingoko arduradun zinegotziak azaldu duenez ´bere garaian zerbitzu hori azpikontratatutako enpresa baten eskutik jarri zen, baina ez zuen funtzionatu ibilgailuak uzteko toki egoki bat falta zelako`, Costak dio orain udaltzainek gidatuko dutela garabi propioa.
Beharrezko zerbitzua
Costaren iritziz ezinbesteko zerbitzua da hori: ´Ibia (badoa) herriko bizilagunek ordaintzen duten tasa bat da eta gure eginbeharra garajeen irteerak bermatzea da, gaizki utzita dauden ibilgailuak erretiratuz`, dio Costak. Horretaz gain zaborra biltzeko kamioien lana edo trafikoa oztopatzen duten kotxeak ere erretiratu behar direla uste du zinegotziak: ´Trafikoa konplikatu egiten da Hernanin eta aparkamenduak eta OTA jartzeak gauzak erraztu ditzake, baina beharrezkoa da arazoak sortzen dituzten ibilgailuak erretiratzea`, dio.
Ibilgailuak Laubidietan
Erretiratzen dituzten ibilgailuak Laubidietan gordeko dituzte, Arrigoainpe inguruan, bertan dute prefabrikatutako eraikina.