´Proiektuan jasota daude fatxada osatzeko harlanduzko lanak`

IÑAKI Arratibel Hirigintza Zinegotziak Bildu Hernanik egindako adierazpenei erantzun die, Kale Nagusia eta Tiloseta artean botatako etxeen inguruan. Arratibelek dio BHk Udalaren hirigintza-politika gaitzetsi duela berriro ´errealitatera hurbildu gabe`. Azaldu du Kale Nagusian egiten ari diren lanetan, kontuan hartu direla hirigune historikoan babestu behar diren elementu arkitektonikoak eta lizentziak ez duela babes hori aipatzen, ´sustatzaileek aurkeztutako proiektuan dagoeneko jasota zeudelako fatxada osatzen duten harlanduzko lanak`. Fatxada erori Arratibelek azaldu du eraikuntza berritzeko lanetan ari zirela ´fatxada erori egin zela ustekabean`. Horrekin batean dio sustatzaileei eskatuko zaiela nola jokatu duten Udalari adieraztea eta Hirigintzatik fatxada berreraikitzeko esijitu zaiela esan du zinegotziak, ´posible bada harlandu originalak erabiliz`. Bukatzeko, Arratibelek dio BHk ´berriro ere hanka sartu` duela, ´lizentziari soilik begiratu beharrean, proiektuari begiratzeko lana hartu izan balute, sustatzaileen aldetik jada fatxadaren kontserbazioa aztertzen zela ohartuko ziren eta ondorioz, hirigintza fitxaren eskakizunak betetzen zirela`. yy