TXOTX garaiko jarraipen batzordea osatzen duten Udalak, Kaxko auzo elkarteak,
sagardogileek eta tabernariek komunikazio kanpaina jarriko dute martxan.
Kanpainan adierazi nahi dute Hernani denentzat irekia dagoen herria dela, baina
biltzen den jende kopurua ikusita errespetuzko jokabideak beharrezkoak direla,
batez ere bizilagunen loa errespetatzeko.
Mezu hau zabaltzeko herri barruko autobusetan, (aurten sagardotegietara ere
joango dira), panelak jarriko dituzte eta irrati ezberdinetarako kuinak prestatu
dituzte.
Kuina hauek Euskadi Gaztea, 40 Principales, Euskadi Irratia eta Radio Euskadin
entzun ahal izango dira.
Komunikazio kanpaina honek 12.000 eurotako aurrekontua du.
Beste neurri batzuk
Horrez gain Udalak heziketa programa bat ere jarri du martxan sagarra eta
sagardoaren inguruko gai ezberdinak landuz (historia, ekonomia..) eta
helduxeagoak direnei kontsumo arduratsua egiteko beharraz ere hitz egin zaie.
Udaltzaingoaren presentzia indartzea ere erabaki da, tabernen itxiera ordua,
zarataren inguruko araudia eta kalean pixa egiten duten pertsonak kontrolatzeko.
Sagardotegietara doazen autobusak aldiz, tabernak itxi eta ordu erdira utzi
beharko dute herria.
Aurten lehenengoz Osiñaga aldera lineako autobusak jarri dira ostegunetik
larunbatera. Urbietatik: 20:30, 21:00 eta 21:30etan eta Elorrabitik, 23:00,
23:30 eta 24:00etan.