Zoramen hauek, maite ditugu...

Zapiak buruan eta zartaiak eta mailuak eskuan ibili ziren atzo herrian kaldereroak. Momo erregearen konpartsa zingaroak abestiekin eta saltoka alaitu zituen kaleak urte bat gehiago. Elur Txoritik atera eta kale buelta egin zuten, Xalaparta soziedadean geldialdia eginez (argazkian). Inauteriak badatoz eta kaldereroek badakite hori, bihotzen erdi-erditik maite dituzten festak baitira. Kantuak dioen bezala ez dira joango gehiago Hernanitik, ez behintzat inauteriak pasa arte!