Bost gol Hernaniren lasaitasunerako, Anaitasunaren kontrako partiduan

HERNANIK bost gol sartu zizkion atzo Azkoitiako Anaitasunari eta aurreko astetik zekarren pisua zelaian utzi zuen, golez-gol. Emaitza ona dudarik gabe txuri-berdeentzat, izan ere azkoitiarrak kontraio zuzenak dira sailkapenean eta hiru puntuei esker Hernanik aurre hartu die.

Lehenengo denboran azkoitiarrak erne
Partidua txukun hasi zuten David Muñoz-en mutilek eta aukera batzuk sortu zituzten aurreneko gola etorri zen arte, Gorka Kijerak hain zuzen. Gero Azkoitiarrak pixkanaka jokoa hobetzen hasi ziren eta berdintzea lortu zuten. Azkenean, 45garren minutuan hernaniarrek bigarren gola sartu zuten. Arduradunen hitzetan gol ´psikologikoa` izan zen hori eta bigarren denboran lasaigo atera ziren zelaira txuri berdeak

Bigarren denbora paregabea
Bigarren denbora hasi eta segituan ikusi zen hernaniarrak gol gosez zeudela. Bigarren zatiko 20garren minutuan Iñigo Vilari sakoneko pase bat egin eta honek gola sartu zuen. Hortik minutu gutxira etorri zen laugarrena, berriz ere Iñigo Vila protagonista zela: atezain aurrean bakarrik gelditu, gainditu, eta gola sartu zuen Hernaniko jokalariak.
Zoramena bosgarren golarekin etorri zen Zubipera, Gorka Kijerak areatik kanpo baloia jo eta porteria barrura sartu zuen. Bost eta bat azkenean, emaitza goxoa etxekoentzat.

Arduradunak pozik emaitzarekin
Taldeko arduradunak pozik daude emaitzarekin: ´Garrantzitsua izan da etxean irabaztea, batez ere lehengo asteko porrotarekin duda batzuk genituelako, baina azkenean argitu zaizkigu` dio Jon Loran-ek, koordinadoreak, ´urduritasuna bestuarioan utzi dugu`.
Orain lasaiago jokatzeko aukera izango du Hernanik, sailkapenean behean dauden taldeekiko aldea gero eta haundiagoa baita.