JOXAN Goikoetxea hernaniar akordeoilariak emanaldia eskainiko du Akordeoia
Euskal Herri Musikan izenburupean. Kontzertua Oiartzungo Herri Musikaren txokoan
izango da gaur, Ergoien auzoan, arratsaldeko 18:30etatik aurrera eta Neguko
Kontzertuen egitaraua osatzeko antolatuta dago.
Goikoetxeak emanaldian azaldu nahi du akordeoirako euskal herri musikan sortu
eta interpretatu diren erritmo eta doinuen ibilbidea.
Paris-Lazarevitch
Hernaniarrarena izango da lehenengo kontzertua, baina ez bakarra, honen
ondoren Dominique Paris eta François Lazarevitch-ek musette barrokoa eta
cabrettea joko dute.
Kontzertua amaitzerakoan afaria antolatu dute bertan parte hartu eta izena eman
duten guztiekin. Afaria Oiartzungo Auzokalte elkartean izango da.