SANTA Ageda bezpera da gaur, hilak 4, eta herriko hainbat talde eskean
aterako dira, ohitura den bezala, bularrak moztu zizkioten martiriaren izena
gogoratzeko.
Erronda arkupetatik arratsaldeko 18:00etan
Ohitura Zaharrak abesbatza Hernanin barrena ibiliko da kantuan eta makilak
eskuetan dituztela errondan. Udaletxeko arkupetatik aterako dira, txistulariek
lagunduta arratsaldeko 18:00etan eta herritar guztiak gonbidatu dituzte errondan
parte hartzeko
Ereñotzun Askatxutik, Astigarragan Foru Plazatik
Ereñotzun ere santa eskean ateratzen dira urtero eta aurtengoan ez dute
hutsik egingo. Askatxutik hasi eta Lastaolara bidean hainbat etxetan geratuko
dira. 25-30 lagun biltzen dira urtero makilak eskuetan dituztela, koplari eta
trikitilariek lagunduta. Zita arratsaldeko 15:30etan egin dute, Ur-Mia elkartean.
Astigarragan berriz, Foru plazan egin dute hitzordua, arratsaldeko 18:00etan.
Aiztondo abesbatzak antolatuta koplatan arituko dira bertan.