Hernani Institutuko goi mailako Animazio Soziokulturaleko 2. mailako
ikasleak, Amnistia Internazionalekin elkarlanean proiektu bat egin dugu.
Proiektu hau aurrera eramateko ezinbestekoa izan da Ainhoa García eta Oihana
Ortegaren (Gure institutuko animazio soziokulturaleko ikasle ohiak izan direnak)
laguntza, beraiek Gobernuz Kanpoko Erakunde (GKE) honetakoak izanik, aukera hori
eskaini digutelako.
Proiektu honekin Animazio Soziokulturaleko zikloan ikasitako hainbat ikaskuntza
praktikan jartzeko aukera izan dugu. Izan ere, `Komunitate-Garapena` moduluaren
irakasleen gidaritzapean gizarte alorreko benetako proiektu bat diseinatzeko eta
praktikan jar-tzeko aukera izan dugu.
Proiektu honen xedea, emakumearen giza eskubideak aldarrikatzea eta hauen
urraketa salatzea da. Gaur egungo gizartearen eta orain datozen pentsamoldeek
matxista izaten jarraitzen dutela iruditzen baitzaigu. Hori aldatzeko garaia
delakoan, emakumeak errespetatu eta gizonen eskubide berberak dituztela
aldarrikatu nahiko genuke.
Proiektu hau DBHko 12-16 urteko gazteei zuzenduta dago. Adin hau interesgarria
eta eraginkorra iruditzen zaigu hainbat ideia eta jokabide aldatzeko. Beraien
adina kontuan izanik, ahalik eta erakargarriena egiten saiatu gara.
Animazio Sozio Kulturaleko hainbat ekintza diseinatu ditugu, ikasleak gai honen
inguruan sentsibilizatu daitezen. Jolasean oinarritutako proiektua da modu
eraginkorrago, errazago eta alaiago batean lantzeko.
Egitasmo honetan, emakumearen hainbat arlo ezberdin landu ditugu, besteak beste:
kirola, erlijioa, publizitatea, kultura, musika... eta abar. Gezurra dirudien
arren, gaur egun oraindik ere gizartean oso errotua dago matxismoa eta emakumea
gutxiago delako ikuspegia. Argudio honen adibide garbi bat musikan ikus dezakegu:
Topatu dugun abesti baten letrak honakoa dio: `Y si ella se porta mal, dale con
el látigo, si se sigue portando mal, dale con el látigo y si ella se porta mal,
dale con el látigo, dale con el látigo, dale con el látigo.`
Gaur egun honelako pentsaera bultzatzea lotsagarria irudi-tzen zaigu. Baina
musikaz gain, beste hainbat arlotan topa dezakegu diskriminazio hau.
Proiektuak zati desberdinak ditu. Zati bakoitzean, lehen aipaturiko gaiak
lantzen ditugu eta guk hauek diseinatzeaz gain dinamizatu ere egiten ditugu. Gai
hauetan emakumearen papera eta betebeharra lantzen dugu. Bukaerarako, fitxa-joko
erraldoi bat prestatu dugu, eta bertan aurrez ikusitako gaietatik ateratako
galderak egiten ditugu. Gainera, hainbat proba ere pasa beharko dute garaile
izateko.
Proiektu hau praktikan jartzeko DBHko hainbat ikastetxerekin harremanetan gaude.
Izaro Pikabea eta Carolina Garcia
Hernani Institutua