|
SAN Markos Mankomunitateko arduradunek prentsaurrean azaldu zituzten atzo
iazko urtean bertako zabortegian jasotako hondakinen datuak. Nabarmentzeko
datuak dira inondik ere. Iazko urtean, lehenengo aldiz, San Markos
mankomunitatea osatzen duten hamar herrietan (horien artean Hernani)
sortutako hondakin kopuruak behera egin baitu, 147.000 tonatik 142.000
tonara, %3,41 beraz. Iñaki Castillo San Markoseko zuzendari kudeatzaileak esan zuenez ´datu oso positiboak dira horiek`. Izan ere, hondakin gutxiago sortzeaz gain, gehiago birziklatu dugu 2005ean, kopuru osoaren %31,71 hain zuzen eta 2004an baina %2,87 gehiago. Beraz, datu horien arabera, 2004an baino %6,07 hondakin gutxiago isuri da San Markosen. 2009 urterako itxi Hala ere, bertako arduradunen hitzetan, 2009 urterako zabortegia itxi egin beharko da, gaur egungo zabor kopuruak isurtzen jarraitu ezkero. Zaborra isurtzeko leku alternatiboei buruz galdetuta, Fermin Lorza lehendakariak azaldu zuen momentu honetan ´ataskaturik` dagoela kontu hori, baina beraien aukera errauskailua izan dela. 2009 urterako errauskailurik ez balego, ´behin behineko soluzioak` bilatu beharko dituztela ere azaldu zuten atzoko agerraldian. |
2004 urtean biztanleko 483 kilo
hondakin sortu genituen eta 2005ean berriz 466 kilo. |
|
|
Prebentzio kanpaina Lehen Hezkuntzan
Elena Egurrola San Markoseko ingurumen teknikariak Lehen Hezkuntzako haurrentzat abian jarri duten kanpaina baten berri eman zuen atzo, Zirt edo Zart: Murriztu deiturikoa. Hondakinak ez sortzeko prebentzio kanpaina bat da. Bi monitore ariko dira ikastetxeetan, jolasean eta gomendio praktikoen bidez haurrak kontzientziatzen. Hernanin bihar hasiko dira kanpaina horrekin eta otsailaren 13ra arte izango dira bertan.
|