Kontzertu berezia eskainiko dute etzi, larunbatean, Kantuz eta Dakapo abesbatzek. Milagrosako kaperan jarri dute hitzordua, eliz musika emanaldia eskaintzeko. Arratsaldeko 20:00etan hasiko da.
Musika espiritual beltza eta gospela izango dira, zehazki, landuko dituztenak. Eta horretarako, David Cid Jazz Hirukotearen laguntza izango dute, kontzertuan: David Cid pianoarekin, Rakel Arbeloa bateriarekin, eta Nacho Fombuena baxuarekin.
Hamahiru pieza, guztira
Konpletoa izango da, eskainiko duten emanaldia. Guztira, hamahiru pieza eskainiko dituzte. Dakapo hasiko da, bost abesti kantatuz: The storm is passing over, Nobody knows the trouble I’ve seen, Good news, Amacing Grace eta Happy land. Jazz Hirukoteak eskainiko du beste pieza bat gero, The preacher izenekoa.
Kantuzek hartuko du txanda, beste bost abestirekin: Ain’-a that good news, My lord, what a mornin’, Soon ah will be done, Deep river eta I’m gonna sing ‘til the spirit.
Eta kontzertua borobiltzeko, elkarrekin abestuko dituzte bi abesbatzek eta hirukoteak, azkeneko bi abestiak: This little light of mine, Harry Dixon Loesena; eta What a mighty god, Eric McDanielsena.