Bideo emanaldia eskainiko du gaur, Biterin, Jokin Labaien Koxka elkarteko kideak. Dantza eta dibertsitate funtzionalari buruzko proiekzioa izango da, eta arratsaldeko 19:00etan hasita, ordu erdiko iraupena izango du. Hiru bideo jarriko ditu Labaienek, saioan zehar: Wolf, Catch me eta Who, me?
Eta proiekzioaren ondoren, solasaldia ere egiteko aukera izango dute, bertaratzen direnek, dibertsitate funtzionalaren gaiaren eta bideoetan ikusitakoaren inguruan.
Sarrera doan izango da, eta borondatea besterik ez dute eskatuko, hiru bideoen emanaldia ikusteko.