Astigarraga ere Korrikaren alde

Ttipi-ttapa ttipi-ttapa... Ko­rri­­ka!!! Oihu artean egin zituzten atzo astigartarrek ere herriko kilo­metroak. Her­nanitik, atzerapenik gabe eta esperotako orduan, egu­erdiko 11:45ak aldera iritsi zen, Iretzatik barrena, Ko­rri­ka 20 Astigarragara, eta ehun­daka lagun izan ziren eus­ke­raren alde korrika egin zu­te­nak. Beste urte betez arrakasta itzela eduki du.
Eta ostiralean, Korrikari bukaera emateko egingo da Korrika Txikia Herri Esko­lako ikasleekin batera, bi txandatan: lehen goizeko 11:15etan abiatuko dira bi urteko haurrak laugarren mailakoekin batera; eta bi­garren 15:00­etan, al­diz, beste guz­tiak egingo dute korrika.

Iruñeara autobusa
Nafa­rro­an egingo ditu az­keneko metroak; Iruñan, zehazki, datorren igandean bertan. Goizeko 10:18etan iritsiko da Nafarroako hiri­burura, eta 12:30etan izango da Ko­rrikaren bukaera. Bertara joateko, autobusa jarri dute Astigarraga, Her­na­ni eta Goizuetatik. Asti­ga­rragako Joseba Baran­diaran plazatik aterako da, goizeko 08:30etan; eta Her­nanin, Atse­gindegin egingo du geldialdia, 08:45etan. Txar­telak 12 euroan daude salgai, Asti­garragako AEKn, Ikatzan eta Zipotzan; eta Her­na­niko AEKn.