Urteko partidurik erabakiorrena jokatuko du Hernanik, gaur, Bartzelonaren aurka Landaren, 12:00etatik aurrera. Sailkapenean bi puntuko aldea besterik ez dute, eta gaurko partiduak gauza asko argitu ditzake.
Urteko helburua lortzeko aukera, Hernanik
Hiru jardunaldi falta dira Liga bukatzeko, eta kataluniarrak aurkari zuzenak dira, sailkapenean, jaitsiera saihesteko borrokan. Hernani hamargarren dago sailkatua, Bartzelona baino puntu bat gehiagorekin, eta beraz, gaurko aurkaria da, orain bertan jokatuko balitz, jaitsierako promozioa jokatuko lukeena. Dudarik gabe, bien arteko lehia honek gauza asko erabaki ditzake, gaurkoan.
Hernanik irabaziko balu, Bartzelonaren aurretik gutxienez bost puntura jarriko litzateke, bi jardunaldiren faltan. Hori nahikoa izan liteke, eta lortuz gero, urteko helburua beteko luke Hernanik. Galduz gero, ordea, promozioa ez jokatzeko helburua zail jarriko litzateke.
Zaleen babesa, jokalarien kemena bezain erabakiorra
Horrexegatik, gaurkoa, Landaren bizi izan diren egun haundi horietakoa izango da, eta zaleen babesa beharrezkoa izango da, taldeari laguntzeko.
Orain bi urte, azken jardunaldian bi talde hauen artean erabaki zen Hernanik maila galduko zuen edo ez. Hernaniarrek partidua aurrera atera zuten, eta mailari eutsi zioten. Bartzelonak, berriz, promozioa jokatu behar izan zuen. Hernaniko zaleek historia errepikatzea espero dute.