Ur Mian gaur, lehia

Ereñotzuko tadelak hasiera bikaina eman zion Gipuz­koa­ko Bertsolarien Herriarteko Txapelketari, eta final lau­r­denetan da, dagoeneko.  
Hain zuzen, fase honetako azken saioan kantatuko dute gaur, 22:30etan hasita, Ere­ño­tzu­ko Ur Mia elkartean. Orain­go honetan, Oñatiko Txin­parta 1 taldea izango dute kontrario.

Gaurko saioa, irekia
Txapelketari hasiera bikaina eman bazioten ere, fase ho­ne­ta­ko aurreneko saioan galdu egin zuten, eta gaur­ko­an, be­harrezkoa izango dute ga­rai­pena lortzea, aurrera egiteko.
Horrexegatik, Ur Mia el­kar­tea lepo betetzea espero du­te, bertsozaleen animoak jaso ahal izateko. Oraingoan ez da afaririk izango, eta 22:30etan hasiko dira ber­tsotan, saio irekian.
Ereñotzutik, Iñaki Zelaiak, Aritz Zerainek eta Arnaitz Lasartek hartuko dute parte, eta oñatiarrak izango dira Urko Egaña, Andoni Goitia eta Joseba Lasagabaster.