Fini Rubioren ondarea: adinekoentzako programa

Astearteko Plenoa azkarra eta arina izan zen, pro­po­sa­tu­ta­ko gai guztiak aho batez onar­tu baitzituzten EH Bildu, EAJ-PNV, PSE-EE eta Orain Hernaniko zinegotziek.

Hainbat berri emate
Has­teko, hiru akta onartu zi­tuz­ten aho batez. Segidan, de­kre­tu baten berri eman zen. Eta ondoren, Koro Etxeberria zi­ne­gotziak eman zuen kontu har­tzaileak egindako ohar ba­ten berri. Ez zen zalantzarik sor­tu.

Elkarlanerako hitzamenak, tokiko garapenean, eta administrazio eta erakundeen artean
Laugarren puntuan, Luis In­txaus­pe alkateak azaldu zuen nola orain hilabete batzuk onar­tu zen kooperazio hitzar­me­na Be­te­rri-Buruntzaldeko sei Uda­len ar­tean, tokiko ga­ra­pe­naren sus­tapen ekonomi­ko­a­ren eta en­pleguaren alorrean. Horri lo­tuta, aho batez onartu zen horren ordezka­ga­rri­ta­su­na An­doaingo Udalaren esku uz­tea.
Era berean, aho batez onartu zen Gipuzkoako Foru Aldun­dia­ren proposamena, «arlo politiko eta teknikoan elkarlanean ari­tzeko, saretzeko», Intxauspek aza­ldutakoaren arabera.

Trafikoko Zuzendaritza Nagusira joan beharrik gabe, hainbat tramite administratibo egiteko aukera izango da aurrerantzean, udaletxean.

Hurrengo puntua ere aho batez onartu zen: Trafikoko Zu­zen­daritza Nagusiarkin hitzar­me­na, ibilgailuen ingu­ruko da­tu aldaketa sinpleak egiteko, he­rri­tarrek Udaleko HHZ zer­bi­tzua erabali ahal izan dezaten. PSE-EEtik, Ricardo Crespok zo­rion­du egin zuen Udala hi­tzar­men hau lortzeagatik, eta go­go­ra­razi zuen lehenago ere egin di­rela horrelakoak Eusko Jaur­la­ritza edota Foru Aldundia­re­-kin, eta aurrerantzean ere, gehiago lortzea espero duela. Intxauspek azpimarratu zuen «helburua herritarrei erraz­ta­su­nak ematea» dela.
Azken puntuan, berriz, aho batez onartu zen Hernani izatea, Fini Rubiok Hernani, Errenteria, Pasaia eta Andoaini utzitako herentziaren kudeatzaile.

FINI RUBIO

Feministen erreferente, Rubio

Hernaniko eta Errenteria, Pasaia eta Andoaingo Udalei utzitako herentzia medio, Fini Rubioren ibilbidearen berri eman zuten Plenoan, Garazi Etxarri eta Xabier Lertxundi zinegotziek.
Valladoliden jaioa, Zientzia Politikoak eta Ekonomia ikasi zituen Madrilen, eta ondoren, erbrestera joan behar izan zuen. Parisen eta Mexikon bizi ondoren Donostian kokatu zen, eta mugimendu feministen in­gu­ruan ikasitakoa Euskal He­rrira ekarri zuen; berea da za­pal­kuntza hirukoitzaren teoria.
Gaixotzean, Hernanik adi­ne­­koentzako zeuzkan zer­bi­tzu­en inguruko informazioa es­ka­tu zuen, eta hiltzean, tes­ta­men­tuan utzi zuen herentzia, Her­nanik programaren bat ga­ra­tu zezan, baliabide eko­no­mi­ko gutxiko adinekoek bakar­da­dea sentitu ez dezaten.
Hori kudeatzeko lanetan hasia da Udala.