Datorren asteazkenean egingo du ohiko plenoa Astigarragako Udalak. Udaletxeko areto nagusian izango da, eguerdiko 13:30etan hasita, eta guztira, 17 puntu dauzkate lantzeko.
Bertan landuko dute, aurrena, alkatearen hainbat eskumen osoko bilkurari eskuordetzea; eta ondoren, 2017-2019ko dirulaguntzen Plan Estrategikoa, Hiri Antolaketa Plan Orokorraren aldaketak, abereak eduki eta babesteko ordenantzaren aldaketa...
Bozkatuko dute, baita ere, altxortegiko gerakinari buruz, kontuhartzailearen proposamena onartzea.
Eta bukatzeko, hiru mozio eztabaidatuko dituzte: EAJk eta EH Bilduk aurkeztutako mozio bateratua, etxegabetzeak ekiditeko; eta EH Bilduren beste bi, Guernica Gernikara eta alkate kurduekin elkartasuna.