Balio haundiko garaipena lortu zuten Mundarrok larunbatean Hernaniko Zubipe zelaian. 0-1 irabazi zuten astigartarrek hernaniarren arteko derbia, eta beraz, bultzada ikaragarria suposatzen dituen hiru puntuak etxeratu zituzten moreek.
Hernaniarrak nagusi, hasiera batean
Partidua hasi bezain pronto nagusitu ziren hernaniarrak, baina berehala bereganatu zuten baloia moreek. Orduan izan zuten, hain zuzen, golerako aurreneko aukera Igorren eskutik.
Atsedenalditik bueltan, aldiz, egoera aldatu egin zen. Gogor ekin zioten moreek, batez ere, Guti eta Igorrek eragindako kontraatakeekin.
Bigarren zatia aurrera zijoala, jokalari hernaniar baten kaleratzea barkatu zen, ez zen hala izan, ordea, Mundarrokoekin. Izan ere, bigarren txartel horiaren ostean, Teru kanporatua izan zen, eta beraz, 10 gizonekin geratu ziren moreak. Horrek ez zituen ahuldu, eta hurrengo jokaldian merezitako saria lortu zuten: Gutiren gola.
Hernaniarrek presioa nabaritu zuten beraien gain, baina ezin izan zuten ezer egin.
Aurkari zuzenen emaitzak ere, astigartarren alde
Hernaniren aurkako partiduko emaitza bakarrik ez, beste aurkari zuzenena ere, moreen alde izan zen. Hain zuzen, jaitsiera postuetan dauden taldeek, Dunboa, Roteta eta Behobiak galdu egin zuten, hortaz, Mundarro sailkapenean sendotu da.