«Guretzako garrantzitsua da emakumezkoen diskurtso-musikal berria ikusaraztea»

Martxoaren 8aren bueltan Hernaniko Udalak eta Ber­din­ta­sun Kontseiluak antola­tu­ta­ko egitarauaren barruan, hiru ema­kume kubatarrek Del Son de la Ma Teodora a Son a Felina proiektua aurkeztuko dute gaur Biterin, doan, 19:00etan hasita; aurrena, hitzaldia izan­go da Ailyn Fong Ma­cei­ra­ren eskutik, emakume kuba­ta­rrek bertako musikan eta ga­ra­penean egindako ekar­pe­naren inguruan, eta ondoren, kontzertua emango du Duo Jade bikoteak, Yanaysa Prieto Pedrosok eta Maygred Felina Bourricaudy Blancok, alegia.
Hain zuzen, Duo Jade bi­ko­tea ezaguna da Euskal He­rri­an, lehenago ere izana baita, adi­bidez, disko bat grabatzen, Pirritx, Porrotx eta Marimo­to­txekin. Hernanin ere izana da, orain urte batzuk.
Egungo diskurtso-musikal berria, berdintasunaren aldeko arma
Gaurko hitzaldia dokumental labur batekin hasiko dute, eta bertan erakutsiko dute zein diren emakume musikari ku­batarrek egun dauzkaten erronkak.
«Datuek diote emakume kubatarrek musika munduan duten presentzia haunditu eta indartzen ari dela, alor guz­tietan: musikagile, inter­prete, instrumentista, musikologo, orkestra zuzendari eta abar luze batean. Baina oraindik gehiago dira, eta nabarmen, gi­zonak. Era berean, tristea da, baina musikak Kuban la­gun­du egin du gizartean aur­ki daitekeen patroi matxista indartzen. Horregatik, gu­re­tza­ko garrantzitsua da ema­ku­mezkoen diskurtso-musi­kal berria ikusaraztea. Nahiz eta egungo norma sozio-fa­mi­liar patriarkala ez den kultura retrogradoagoak bezain des­po­ta, oraindik ere ez dago ge­ne­ro berdintasunik, eta egun­go emakume gazteeen belau­nal­diak daukan musika dis­kurtsoa, horren kontrako arma izan daiteke».

Martxoaren 8ko egitarauarekin bukatzeko, ‘Zinegoak’ jaialdiko film batzuk ikusteko aukera izango da bihar.

Musika, salatu, proposatu, sortu eta sustatzeko
Dagoeneko hainbat traba gain­ditu ditu, hain zuzen, mu­si­ka diskurtso berri horrek.
«Sexu aniztasuna erreko­no­zi­tu eta onartzea lortu du­gu; ikusarazi egin dira per­tso­na homosexualak edota hete­ro­sexuala ez den bestelako sexu orientazioa dutenak». Urtee­ta­ko lanaren ondorio izan da hori, hala ere. «Badira musika motak, historikoki aska­tzai­le­ak izan direnak, diskurtso in­kon­for­mista eta aurrei­ri­tzi­rik ga­bea erabili dutenak: rapa, trova, re­ggaea, rumba...». Eta horien hainbat adibide eman dituzte: Las Krudas, Duo Obse­sion, Da­nay Suarez... Duo Jade berak, tra­dizioa eta musika ga­rai­kidea uz­tartuko ditu gaurkoan.

Zinegoak, bihar
Bestalde, martxoaren 8ko egi­tarauaren barruan, Zinegoak, Bilboko gaylesbotrans jaial­diko filmak jarriko dira bihar Biterin, 19:00etan baita ere.