Urteko ohiko batzarra deitu du Berriak, merkatarien eta ostalarien elkarteak, ostegunerako. Jakinarazi dute, eguerdian egingo denez, luntxa izango dela.
Urteko balantzea eta ekintza berrien plangintza
Lau puntu jarri dituzte osteguneko batzarrerako: 2016ko ekintzen balorazioa, 2016ko kontuen balantzea, 2017ko ekintzen aurreikuspena eta 2017ko aurrekontua.
Horiek guztiak aztertzeko zita Biterin jarri dute, sukalde gelan, ostegunean, 13:15etan. Bigarren deialdia 13:45etarako egin dute.
Bilerara joango diren ala ez, aurretik zehazteko eskatu dute, 943 33 30 49 telefonoan edo merkataritza@hernanidendak.eus helbidean.
Apirilaren 3an, tailerra
Bestalde, apirilaren 3rako irudi aholkukaritza tailerra antolatu du elkarteak, 14:30etatik 16:30etara Biterin. Eider Tejedor, irudi aholkulari eta personal shopper hernaniarrak emango du, debalde, baina aurretik izena emateko eskatu dute, aurrez aipatutako telefono edo helbidean. Tejedorrek azalduko du zein garrantzitsua den norberaren irudia, ahozkoa ez den komunikazioan, eta horrela, aholkuak emango ditu, norberaren izaerarekin bat datorren jantzi egokienak nola aukeratu ikasteko.