Aholkularitza eta laguntza etorkinei

AMHER elkarte multikulturalak astelehenero eskaintzen du aholkularitza eta laguntza zerbitzua 19:00etatik 21:00etara, Iturritxo Auzo elkarteko lokalean, Latsunbe Berrin. Gaur ere bertan izango dira taldekideak eta dei egin diete laguntza hori behar duten guztiei bertara azaltzeko. Horrez gain, gainerako herritarrei ere dei egin die AMHERek ezagutzen dituzten etorkinak informatu eta laguntza ematera. Taldeak jakitera eman du ondoko gaien inguruko aholkularitza eskaintzen duela: paperak erregularizatzea, lan arazoak, gizarte zerbitzuak, tratu txarrak, etxebizitza, hezkuntza, euskara, osasungintza eta bestelako edozein kontsulta.