Sagastiyako etxebizitzetan ´atzerapen gehiago ez izatea` eskatu du Bildu Hernanik

Sagastiyako etxebizitzen prozesua atzeratzen ari dela salatu du berriz ere Bildu Hernani plataformak eta esan du beren salaketen aurrean ´Udal Gobernua errealitatea ezkutatzen ari dela`. Plan partzialaren tramitazioa bost hilabetez atzeratu zela dio BHk eta ´urbanizazio planeamendua uztailean aurkeztu eta orain, urtarrilean onartua izan da` esan du. Hirigintza Zinegotzia ardura teknikoei leporatzen saiatu dela dio BHk ´eta hori larria iruditzen zaigu` azpimarratu dute: ´Hirigintza Zinegotziari informe bat egiteko sei hilabete pasatzea normala iruditzea oso larria iruditzen zaigu. Batez ere gainera, epe legalak hor daudenean eta epe horiek urriaren hasieran amaitzen zirenean` dio BHk Kronikara bidalitako prentsa oharrean. ´Iada zortzi hilabeteko atzerapena darama` BHk dio proiektuak dagoneko 8 hilabeteko atzerapena behitzat badaramala eta berak ´atzerapen hau salatzea beharrezkoa izan dela` tramitazioa azkartzeko. Bukatzeko BHk dio: ´Nahikoa da Arratibel jauna! ez leporatu espainiar lege zapaltzaileengatik udaletik kanpo eta ilegalizatua dagoen BHri zuk eta zure gobernuak egindako akatsen ardura`. ´Udal gestio zuzena eta Sagastiyako babes ofizialeko etxebizitzetan atzerapen gehiago ez izatea` eskatu du Bildu Hernani plataformak.