ATZO sinatu zuten Euskadiko Kutxako eta Buruntzaldeko bost Udalerrietako
arduradunek (Hernani, Lasarte, Astigarraga, Andoain eta Urnieta) erakunde
honetan euskararen erabilera sustatzeko hitzarmena, Donostian.
Lau urterako hitzarmena da eta honen bidez bost Udalerrien eta Euskadiko
Kutxaren arteko harremanak euskaraz izatea da helburua. Modu berean Euskadiko
Kutxa bezeroei euskaraz zuzenduko zaie lehenik eta zerbitzuak, kartelak eta
gainontzeko publizitate eremuak euskara hutsean diseinatuko dituzte. Barne
agiriak ere euskaraz idaztea dute asmoa, hitzarmen honen bidez. Langileak
kontratatzeko garaian euskara jakiteari garrantzi berezia emango dio erakunde
honek eta heziketa ikastaroak sustatuko ditu.
Euskaldunen baliabideak
Hitzarmen honekin Buruntzaldeko Udalek herritar euskaldunei baliabideak eman
nahi dizkie beren hizkuntzan adierazteko, euskarazko komunikazioa sustatuz.