VII. Karabelgo krosa bihar goizean

BELKARA auzo elkarteak antolatuta, VII. kros herrikoia izango da bihar goizean. Lau kategoriatan banatu dute krosa: 1997 eta 1996 urteetan jaiotakoak, hauek goizeko 10:00etan hasiko dute lasterketa; 1995 eta 1994 urteetan jaiotakoak, 10:15etan hasiko dira; 1993 eta 1992 urteetan jaiotakoak, 10:30etan hasiko dira; eta 1991n eta aurreko urteetan jaiotakoak, 11:00etan hasiko dira. Aurreneko bi multzoek, gazteenek, 600 metro egin beharko dituzte korrika; 3garren multzokoak, 1.200 metroan ariko dira korrika; eta nagusienek 8.300 metroko lasterketa egin beharko dute. Lasterketak Belkara auzo elkartearen egoitzaren aurrean hasiko dira. Aldagelak ere izango dira Zubipen. Maila guztietan, irabazleentzat sariak izango dira.