BILDU Hernanik, Udalbiltzaren ordezkari lanetan, dei egin die hernaniarrei
datorren larunbatean EHNA tramitatzeko, batetik, eta bestetik Nazio Batuen
Erakundeari (NBE) eskari ofiziala egiteko Euskal Herriko naziotasuna
errespetatzeko. Larunbatean goizeko 11:00etatik 13:00etara izango dira Biteri
kultur etxean.
EHNA tramitatzeko beharrezkoa dira padroia, 3 argazki eta 15 euro. Adin
txikikoek familia liburuaren fotokopia ere eraman behar dute.
50.000 eskaera bildu
Joan den larunbatean, tramitazio egun nazionala izan zen Euskal Herri osoan
eta NBEari zuzendutako 300 eskaera bildu ziren, Hernanin horietako batzuk. Asmoa
da guztira 50.000 eskaera biltzea eta horretarako EHNA tramitatu duten guztiak
deitu nahi ditu Bildu Hernanik datorren larunbatean naziotasun aitorpen eskaria
egiteko.