Huancavelicaren Lagunak eta Errege Kabalgatako komisioko kideak opariak
biltzen hasiko dira gaur Kardaberaz 43an (Domiko ondoan), Perura bidaltzeko.
Abenduaren 30a bitartean asteazken eta ostiralero ariko dira jendeak emandako
opariak biltzen, eta herritarrei dei egin die, opariak ematera azaltzeko, behar
haundiagoa duen jendeari bidaltzeko. Aurreko urteetan Errege Kabalgatako
Komisioak hemen bertan ere banatu izan ditu jasotako opariak, baina, aurten
denak Perura bidaltzekoak dituzte.
Berriak elkarteari eskerrak
Veronica, Miguel Angel eta Pepi dira Hernanin opariak bildu eta Perurako
bidean jartzen ariko direnak eta eskerrak eman nahi dizkiote hirurek Berriak
komertziante eta ostalari elkarteari ´gauza asko eman eta asko lagundu
digutelako`.