Hernanik bosgarren jokoan galdu du partidua, hirugarren aldiz

LARUNBATEAN Hernaniko boleiboleko mutilen taldeak atzeratutako partidua jokatu zuen Universidad de Riojaren kontra. Partiduak 100 minutu inguru iraun zuen eta ikusgarria izan zen, bigarren kantxan jokatu zen arren (sapaia bajuago dago). 2-1 zijoazela errioxarrek berdintzea lortu zuten, bina. Aurtengoan bosgarren jokoa madarikatua izaten ari da hernaniarrentzat eta larunbatean ere horrela izan zen, 9-15 galdu baitzuten. Hirugarren aldia da hori gertatzen zaiela.
Denboraldia ez dijoa ondo Hernani-UPVrentzat eta datorren asteburuan Sestaoren kontra jokatuko duen partidua oso garrantzitsua izan liteke, gabonetako oporrak garaipen batekin irabazita animuak berreskuratzeko. Partidua bigarren pistan jokatuko da berriz ere.

Teilatuko zuloa konpondu gabe
Boleibol taldetik adierazi dute azaroaren 27tik hona ez dela bigarren pistako teilatuko zuloa konpondu eta ´eskerrak euririk egin ez duela`, bestela, ezin izango lukete jokatu, beren ustez. Dena den, espero dute ´datorren larunbaterako konponketak egitea`, diote.