JON Garmendia Txuria asteazkenean atxilotu zuten Donibane Lohitzunen eta
ostegunean Muret-Seysseko espetxean sartu zuten, Paueko prokuradoreak Espainiako
Auzitegi Nazionalak kaleratutako euro-agindua notifikatu ondoren. Euro
aginduaren epaiketa datorren astearterako finkatu dute, abenduaren 13rako, baina,
defentsak atzerapena eskatu du epaiketa prestatzeko. Jon Garmendiari ETAko
´Donostia konplejoarekin harremana izatea` leporatzen diote José Antonio Alonso
Espainiako barne ministroak esandakoaren arabera.
Mobilizaziorako deia
Epaiketa egingo den egunean, epaitegi bertara joateko deia luzatu du
Askatasunak. Askatasunak salatu du ´frantses agintarien jarrera bide
errepresiboa indartzekoa` dela eta bide hori alboratzeko eskatu du ´urratsak
eman daitezen gatazka konpontzeko norabidean`.