TXANTXANGORRIN XXVIIgarren ehiza txapelketa bihar eta hurrengo igandean
egingo da, urteroko moduan Usoko errekan eta Epelerrekan, punturik gehien nork
lortuko. Ehiza txakur eta guzti egingo da eta ehiztari bakoitzak juez bat
eramango du ondoan. Puntuak berriz horrela izango dira: oilagorra botatzen
duenak 105 puntu, eperra botatzen duenak 102 puntu eta faisana botatzen duenak
100 puntu. Parte hartzaile eta laguntzaileek goizeko 09:00etarako beharko dute
egon irteerako kontrolean.
Azken irabazleak
Iaz Ibai Artolak irabazi zuen txapelketa; 2001-2002-2003 urteetako hiru
txapelketak Iñaki Loiartek irabazi zituen jarraian; 2000 urtekoa Juan Otaegik
irabazi zuen; eta 1999ko txapelketa Arkaitz Santakruzek irabazi zuen.