Giro ederra Bola eta Toka eguneko ospakizunetan

Kronika - Erredakzioa 2005eko abenduaren 9a

TOKA eta bolan bada Gipuzkoan maila eta afiziorik, hori erakutsi zuten atzo ospatu zuten Bola eta Toka Egunean. Urtero ospatzen da egun hau, 2005eko denboraldiko sariak banatzeko eta denboraldi berriari ongietorria emateko. Aurten ospakizunak Hernanin egin dira, omendutako bi bolariak hernaniarrak direla aprobetxatuta: Joxe Mari Miner eta Miguel Burugain. Tokan Iñaki Artola omendu zuten.
Omenaldia egiten zaie toka eta bolan ibilbide luzea egindako jokalariei eta gogoratu zuten hauei esker izan dela posible toka eta bolak aurrera egitea.

Egun guztiko ospakizuna
Ez zen omenaldia bakarrik izan atzoko egunean goizean Floridan bola eta toka tiraldia izan baitzen. Eguerdiko 12:00etan meza egin zuten hildako kideen omenez eta eguerdi partean bazkarian bildu ziren, Elur Txori elkartean. Bazkarian 80 lagun bildu ziren eta sari emateaz gain 2006ko egutegia ere banatu zuten, martxan hasteko.

Sarituak

Atzoko tiraldiko sarituak:

Bolan: Joxe Mari Ugarte (Legazpi, 36 brila); Antonio Alustiza (Zerain, 36 brila) eta Joxe Mari Belaunzarain (Urnieta, 32 brila). Aurreneko hernaniarra: Joxe Mari Usabiaga, 28 brila.
Tokan: Carlos Irastorza (Irun, 19 tanto); Juan Mari Iñurritegi (Legazpi, 19 tanto) eta Eduardo Alvarez (Errenteria, 15 tanto). Aurreneko hernaniarra: Leandro Miner, 10 tanto.

2005 denboraldiko sarituak:

Bolan: Gipuzkoako talde txapelduna: Segura; Erregularidade txapelduna: Josu Lasa (Lasarte); Bikote txapelduna: Joxe Angel Belaunzaran eta Joxe Lizaso (Urnieta); Gipuzkoako txapelduna: Antonio Alustiza (Zerain); Lehendakari Txapelketako irabazlea: Miguel Ormazabal (Legazpi); Euskal Herriko txapelduna: Zeferino Agirre (Segura).
Tokan: Euskal Herriko txapelduna: Antonio Amundarain (Ibarra); Gipuzkoako txapelduna: Jose Antonio Goenaga (Altza); Donostia Txapelketako irabazlea: Mikel Artola (Ibaeta).

Gizartea

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!